काठमाडौं । कालीमाटी तरकारी तथा फलफूल विकास समितिले आज सोमबारको मूल्यसूची प्रकाशित गरेको छ । उक्त सूची अनुसार आज भिण्डी, करेला, काँक्रोदेखि रुख कटहरसम्मको मूल्य आकाशिएको छ ।
यसअघि प्रतिकेजी ५५ रुपैयाँ तोकिएको तितो करेलाको भाउ बढेर आज १४० रुपैयाँ पुगेको छ भने लौका र हाइब्रीड काँक्रो ३५ रुपैयाँबाट बढेर ६५ रुपैयाँ, परवर ५५ रुपैयाँबाट बढेर २५६ रुपैयाँ ६७ पैसा, घिरौला ५० रुपैयाँबाट बढेर ७६ रुपैयाँ ६७ पैसा, लोकल काक्रो ६५ रुपैयाँबाट बढेर १३० रुपैयाँ पुगेको छ ।
यता, आलु, प्याज, बन्दा र काउलीको भाउ भने सामान्य घटेको छ । यसअघि प्रतिकेजी ६७ रुपैयाँ ३३ पैसा तोकिएको रातो आलुलाई आज ३१ रुपैयाँ, रातो भारतीय आलुलाई ५५ रुपैयाँबाट २९ रुपैयाँ, सुकेको प्याज ८२ रुपैयाँ ३३ पैसाबाट ७२ रुपैयाँ ५० पैसा, लोकल गाजर ११० रुपैयाँबाट ३८ रुपैयाँ ३३ पैसा, लाकेल बन्दा ४० रुपैयाँबाट ३५ रुपैयाँ, स्थानीय काउली ७५ रुपैयाँबाट घटेर ४५ रुपैयाँमा र ज्यापु काउली ८५ रुपैयाँबाट घटेर ५५ रुपैयाँ कायम भएको छ ।
