काठमाडौँ, असार २५ । काठमाडौं महानगरपालिकाको आगामी आर्थिक वर्षको बजेट सर्वसम्मतले पारित भएको छ । मंगलबार बसेको १५ औं अधिवेशनको पाँचौं बैठकले आगामी आर्थिक वर्षको बजेट पारित गरेको महानगरका मेयर बालेन्द्र साहले घोषणा गरे ।
आगामी आर्थिक वर्षमा महानगरले १० वटा गौरवको योजना र २५ वटा स्वर्णिम योजना समावेश गरेको छ । महानगरले आगामी आर्थिक वर्षका लागि २५ अर्ब ७० करोड ६३ लाख रुपैयाँ बजेट विनियोजन गरेको छ । बजेट पारित गर्नुअघि छलफल चलाइएको थियो ।
मंगलबार दिउँसो ४ बजेदेखि सुरु भएको उक्त बैठकले आर्थिक वर्ष २०८१/८२ को नीति तथा कार्यक्रम पनि सर्वसम्मतले पारित गरेको छ ।
