काठमाडौं, २९ माघ। रिलायबल नेपाल लाइफ इन्स्योरेन्स लिमिटेड आज माघ २९ गते कम्पनीको सातौं वार्षिक साधारण सभा सम्पन्न गरेको छ । कम्पनीका अध्यक्ष उदय नेपाली श्रेष्ठको अध्यक्षतामा साधरणसभा सम्पन्न भएको हो ।
सभाले नियमित एजेण्डाहरु सञ्चालक समितिको चौथो वार्षिक प्रतिवेदन, आ।व। २०७९/०८० को सहायक कम्पनी रिलायवल इन्भेष्टमेन्ट एण्ड मर्चेण्ट क्यापिटल सहितको एकिकृत वित्तीय विवरणहरु, लेखापरीक्षकको नियूक्ति लगायत विषयमा निर्णय गरेको छ ।
यस्तैगरी कम्पनीका सूचना अधिकृत दिपेश वाबु तिवारीका अनुसार कम्पनीले शेयरधनीहरुलाई १६ प्रतिशत वोनस शेयर र ०.८४ प्रतिशत नगद लाभांश दिने प्रस्तावलाई पनि पारित गरको छ । यस्तै, पूँजी वृद्धि गर्ने तथा प्रवन्धपत्रका सम्वद्ध दफाहरु संशोधन गर्ने साधारण तथा विशेष प्रस्तावहरु पनि पारित गरेको छ ।
वार्षिक साधारण सभावाट कम्पनीमा पहिलो पटक सर्वसाधारण शेयरधनीहरुको तर्फवाट निर्विरोध निर्वाचित सञ्चालकहरुहरु डा. भिष्म कार्की, दिवेश लोहनी रहेका छन् । यसै वर्ष सर्वसाधारणमा प्रिमियममा शेयर जारी गरेको कम्पनीको कम्पनीको चुक्ता पुँजी रु. ४ अर्व ६४ करोड पुरा भएको कम्पनीले जनाएको छ ।
वार्षिक साधारण सभामा शेयरधनीहरुले राखेका जिज्ञासाहरु उपर कम्पनीका अध्यक्ष र प्रमुख कार्यकारी अधिकृतहरुले जवाफ दिएका थिए । यस उपलक्ष्यमा कम्पनीलाई यहाँसम्म पु¥याउन सहयोग गर्ने बिमित, अभिकर्ता, एजेन्सी म्यानेजर, नियमनकारी निकाय, शेयरधनीहरु, कर्मचारी, पत्रकारलगायतलाई धन्यवाद ज्ञापन गरेको जारी विज्ञप्तिमा उल्लेख छ ।
