काठमाडौं । रिलायन्स स्पिनिङ्ग मिल्स लिमिटेडले बुक बिल्डिङ्ग प्रक्रिया मार्फत योग्य संस्थागत लगानीकर्ताहरुका लागि जारी गरेको आईपीओ आज माघ १४ गते बन्द हुदैंछ।कम्पनीलाई नेपाल धितोपत्र बोर्डले स्वीकृति दिए संगै कम्पनीले सर्वप्रथम माघ १० गतेदेखि योग्य संस्थागत लगानीकर्ताहरुका लागि सेयर निष्काशन गरेको हो।
नेपाल धितोपत्र बोर्डले रिलायन्सलाई आफ्नो जारी पूँजी १ अर्ब ९० करोड रुपैयाँको १०.१४ प्रतिशतले हुन आउने १९ करोड २६ लाख ६० हजार रुपैयाँ बराबरको प्रतिकित्ता १०० रुपैयाँ अंकित मूल्यका १९ लाख २६ हजार ६०० कित्ता सेयर बुक बिल्डिङ्ग प्रक्रियामार्फत निष्काशन गर्न अनुमति दिएको थियो। जसको ४० प्रतिशत अर्थात ७ लाख ७० हजार ६४० कित्ता सेयर बिक्री मूल्य सिमा ६०८ रुपैयाँदेखि ९१२ रुपैयाँ तोकिएको छ।
