काठमाडौं । आइएमई लाइफ इन्स्योरेन्सले बीमितलाई दिने लाभांशदर सार्वजनिक गरेको छ । कम्पनीले बिहीबार प्रतिहजार बीमालेख बराबर अधिकतम ८० रुपैयाँसम्म बोनस दिने घोषणा गरेको हो ।
कम्पनीले सावधिक,बाल सावधिक तथा सामूहिक सावधिक बीमामा न्यूनतम ३२ रुपैयाँ देखि ७० रुपैयाँ बोनस तोकेको छ भने सावधिक तथा आजीवन बीमालेखमा ३२ रुपैयाँ देखि ८० रुपैयाँसम्म बोनसदर कायम गरेको छ ।
यस्तै कम्पनीले अग्रिम भुक्तानी तथा आजीवन बीमालेखमा ३२ रुपैयाँ देखि ६३ रुपैयाँ र अग्रिम भुक्तानी सावधिक बीमालेखमा ३० रुपैयाँ देखि ६३ रुपैयाँसम्म बोनसदर कायम गरेको हो ।
कम्पनीले बाल वार्षिक अग्रिम भुक्तानी सावधिक जीवन बीमालेख र वार्षिक अग्रिम भुक्तानी सावधिक जीवन बीमालेखमा भने ३० रुपैयाँ देखि ६० रुपैयाँसम्म बोनसदर कायम गरेको छ ।
