काठमाडौं । साताको अन्तिम कारोबारको दिन नेपाल स्टक एक्सचेन्ज (नेप्से) परिसूचक दोहोरो अंकले घटेको छ । यसदिन नेप्से परिसूचक ११.९० अंकले घटेको हो । आज कारोबारमा आएकामध्ये ६१ कम्पनीको सेयर मूल्य बढेको छ भने २ सय ७ कम्पनीको सेयर मूल्य घटेको छ ।
शुक्रबार नेप्से परिसूचकसँगै कारोबार रकम पनि घटेको छ । आज ४ अर्ब २९ करोड ३७ लाख ७४ हजार रुपैयाँको सेयर किनबेच भएको छ । बिहीबार ४ अर्ब ८९ करोड १८ लाख ७६ हजार रुपैयाँभन्दा धेरैको सेयर कारोबार भएको थियो ।
आज सबैभन्दा धेरै कमाउनेमा एनएमबि डिबेन्चर १०.७५ प्रतिशतका लगानीकर्ताहरु रहेका छन् । यस ऋणपत्रको मूल्य १४.२९ प्रतिशतले बढेको छ । यता, सबैभन्दा धेरै गुमाउनेमा सिन्धु विकास बैंकका लगानीकर्ताहरु रहेका छन् । यसको सेयर मूल्य ८.५५ प्रतिशतले घटेको छ ।
