काठमाडौँ / स्ट्यान्डर्ड चार्टर्ड बैंक नेपाल लिमिटेडले प्रधानमन्त्री दैवी प्रकोप उद्धार कोषमा १ लाख अमेरिकी डलर सहयोग गरेको छ । अगस्ट २०२६ मा नेपालका विभिन्न जिल्लामा आएको विनाशकारी बाढीबाट प्रभावित समुदायको पुनःस्थापना, पुनर्निर्माण तथा पुनरुत्थानका लागि बैंकले उक्त सहयोग गरेको हो ।
बैंकका प्रमुख कार्यकारी अधिकृत गोरख रानाले बाढीका कारण धेरै जिल्लाका परिवारले जीवनयापन तथा जीविकोपार्जनमा ठूलो चुनौती र अवरोध सामना गर्नुपरेको बताए ।
प्रभावित समुदायलाई पुनःस्थापित गर्न र भविष्यमा विपद् सामना गर्ने क्षमता सुदृढ बनाउन सरकारको जारी प्रयासमा सहयोग पुर्याउने उद्देश्यले योगदान गरिएको उनको भनाइ छ ।
नेपालमा लामो समयदेखि बैंकिङ सेवा प्रदान गर्दै आएको स्ट्यान्डर्ड चार्टर्डले प्रभावित समुदायको पुनरुत्थानमा सहयोग गर्ने तथा समुदायमा दीर्घकालीन र अर्थपूर्ण प्रभाव पार्ने पहलमा योगदान गर्ने प्रतिबद्धता जनाएको छ ।
