काठमाडौं । आज नेपाल स्टक एक्सचेन्ज (नेप्से) परिसूचक घटेको छ । मंगलबार नेप्से परिसूचक ९.६२ अंकले घटेर २ हजार ६ सय ३.७१ को बिन्दुमा आएको छ । आज कारोबारमा आएकामध्ये ६९ कम्पनीको सेयर मूल्य बढेको छ भने १ सय ९९ कम्पनीको घटेको छ ।
मंगलबार नेप्से परिसूचकसँगै कारोबार रकम पनि घटेको छ । आज ४ अर्ब ६५ करोड ४८ लाख ७८ हजार रुपैयाँ बराबरको सेयर किनबेच भएको छ । सोमबार ५ अर्ब ३८ करोड ५७ लाख ८५ हजार रुपैयाँभन्दा धेरैको सेयर कारोबार भएको थियो ।
मंगलबार सबैभन्दा धेरै कमाउनेमा १२ प्रतिशत आइसीएफसी फाइनान्स लिमिटेड डिबेन्चर २०८३ का लगानीकर्ताहरु रहेका छन् । यसको सेयर मूल्य ९.१८ प्रतिशतले बढेर १ हजार ५६ रुपैयाँ पुगेको छ । यता, सबैभन्दा धेरै गुमाउनेमा सिटिजन्स सुपर ३० म्युचुअल फन्डका लगानीकर्ताहरु रहेका छन् । यसको सेयर मूल्य ५.४४ प्रतिशतले घटेको छ ।
