सत्तारूढ राष्ट्रिय स्वतन्त्र पार्टी (रास्वपा) का सभापति रवि लामिछाने र अमेरिकी विदेशमन्त्री मार्को रुबियोबीच टेलिफोन संवाद भएको छ।
टेलिफोन कुराकानीका क्रममा अमेरिकी विदेशमन्त्री रुबियोले भोटेकोशी बाढीमा भएको धनजनको क्षतिप्रति गहिरो दुःख व्यक्त गर्दै नेपाल सरकार र नेपाली जनताप्रति ऐक्यबद्धता जनाएका छन्।
जवाफमा सभापति लामिछानेले नेपाल सरकारले हाल जारी खोज, उद्धार तथा राहत कार्यका लागि उपलब्ध सबै स्रोतसाधन परिचालन गरिरहेको जानकारी गराएका छन् । नेपाली नागरिकका साथै नेपालमा रहेका सबै विदेशी नागरिकको सुरक्षाप्रति सरकार समान रूपमा प्रतिबद्ध रहेको आश्वस्त उनले पारेका थिए।
यस कठिन घडीमा अमेरिकी सरकारले दर्शाएको सहयोग र सहानुभूतिप्रति सभापति लामिछानेले आभार व्यक्त गरेका थिए। सो क्रममा विदेशमन्त्री रुबियोले अमेरिकी सरकार नेपाल सरकारलाई आवश्यक थप सहयोग उपलब्ध गराउन तयार रहेको स्पष्ट पारेका छन्।
