काठमाडौं । आज नेपाल स्टक एक्सचेन्ज (नेप्से) परिसूचक बढेको छ । यसदिन नेप्से परिसूचक ७.१७ अंकले बढेर २ हजार ६ सय २९ को बिन्दुमा आएका छ । आज कारोबारमा आएकामध्ये १ सय ३२ कम्पनीको सेयर मूल्य बढेको छ भने १ सय ३२ कम्पनीकै सेयर मूल्य घटेको छ ।
बिहीबार नेप्से परिसूचकसँगै कारोबार रकम पनि बढेको छ । आज ४ अर्ब ४० करोड १४ लाख ९ हजार रुपैयाा बराबरको सेयर कारोबार भएको छ । बुधबार ३ अर्ब २९ करोड ८० लाख १९ हजार रुपैयाँ बराबरको सेयर किनबेच भएको थियो ।
आज सबैभन्दा धेरै कमाउनेमा सर्वोत्तम पेन्ट्स र माउन्ट एभरेष्ट पावरका लगानीकर्ताहरु रहेका छन् । यी दुवै कम्पनीको सेयरमा सकारात्मक सर्किट लागेको छ । आज सबैभन्दा धेरै गुमाउनेमा कुमारी धनवृद्धि योजना रहेको छ । यसको सेयर मूल्य ९.७७ प्रतिशतले घटेको छ ।
