काठमाडौं । मंगलबार नेपाल स्टक एक्सचेन्ज (नेप्से) परिसूचक दोहोरो अंकले घटेको छ । यसदिन नेप्से परिसूचक १९.३४ अंकले घटेर २ हजार ६ सय २२.४८ को बिन्दुमा आएको छ । आज कारोबारमा आएका मध्ये ५७ कम्पनीको सेयर मूल्य बढेको छ भने २ सय १७ कम्पनीको घटेको छ ।
आज नेप्से परिसूचकसँगै कारोबार रकम पनि घटेको छ । मंगलबार ५ अर्ब ७ करोड ३५ लाख १८ हजार रुपैयाँ बराबरको सेयर किनबेच भएको छ । सोमबार ५ अर्ब ५२ करोड ५५ लाख ११ हजार रुपैयाँ बराबरको सेयर कारोबार भएको थियो ।
आज सबैभन्दा धेरै कमाउनेमा सर्वोत्तम पेन्ट्स र माउन्ट एभरेष्ट पावरका लगानीकर्ताहरु रहेका छन् । यी दुवै कम्पनीको सेयरमा सकारात्मक सर्किट लागेको छ । आज सबैभन्दा धेरै गुमाउनेमा सगरमाथा जलविद्युत्का लगानीकर्ता रहेका छन् । यस कम्पनीको सेयर भाउ १०.६३ प्रतिशतले घटेको छ ।
