काठमाडौं । आज काठमाडौँको तरकारी बजारमा ब्रोकाउली आकाशिएको छ । कालीमाटी फलफूल तथा तरकारी बजार विकास समितिले प्रकाशित गरेको मूल्यसूची अनुसार सोमबार प्रतिकेजी ११० रुपैयाँ रहेको ब्रोकाउली आज ३६६ रुपैयाँ ६७ पैसाले बढेर केजीमै ४७६ रुपैयाँ ६७ पैसा पुगेको हो । यता, पाकेको फर्सी पनि बढेर प्रतिकेजी ३७ रुपैयाँ ६७ पैसा पुगेको छ भने हरियो डल्लो फर्सी पनि ४५ रुपैयाँबाट बढेर ६५ रुपैयाँ पुगेको छ ।
यता, भिण्डी प्रतिकेजी ७२ रुपैयाँ र लोकल गाजर ६४ रुपैयाँ रहेकोमा आज बढेर ८५ रुपैयाँ पुगेको छ । तने बोडी, मकै बोडीदेखि घिउ सिमीसम्मको मूल्य बृद्धि भएको छ । यसअघि प्रतिकेजी ५६ रुपैयाँ रहेको तने बोडीलाई आज ९५ रुपैयाँ र ८५ रुपैयाँ रहेको मकै बोडीलाई ९५ रुपैयाँ पर्नेछ ।
लोकल सिमी बढेर प्रतिकेजी ११० रुपैयाँ पुगेको छ भने हाइब्रीड सिमी १२० रुपैयाँ पुगेको छ । फलफूलहरुमध्ये आज अनार प्रतिकेजी ६।१० प्रतिशतले बढेर ३७६ रुपैयाँ ६७ पैसा कायम भएको छ भने आँपको भाउ घटेको छ । यसअघि प्रतिकेजी ८६ रुपैयाँ ६७ पैसा रहेको मालदह र दसहरी आँपलाई आज ६५ रुपैयाँ पर्नेछ ।
