काठमाडौं । कालिमाटी फलफूल तथा तरकारी बजारमा आज घिरौंला र ब्रोकाउलीको मूल्य बढेको छ । आज घिरौंला प्रतिकिलो ४५ रुपियाँमा कारोबार भइरहेको छ, जुन हिजो भने ३६ रुपियाँ थियो । यो किलोमा ९ रुपियाँले बढेको हो ।
त्यसैगरी अघिल्लो दिन प्रतिकिलो ८५ रुपियाँ रहेको ब्रोकाउलीको मूल्य यसदिन ११० रुपियाँ निर्धारण गरिएको छ । हिजोको तुलनामा आज २५ रुपियाँले बढेको हो ।
साथै आजका लागि ठूलो नेपाली गोलभेंडा ६०, लोकल गोलभेंडा १०, लोकल काउली ५५, करेला ४५, हरियो फर्सी २५ र डल्ले च्याउ प्रतिकिलो २९० रुपियाँ कायम गरिएको कालिमाटी फलफूल तथा तरकारी बजार विकास समितिले जनाएको छ ।
