काठमाडौं । अन्य तरकारी र फलफूलको तुलनामा लोकल बन्दाको भाउ सबैभन्दा कम रहेको छ । कालीमाटी फलफूल तथा तरकारी बजार विकास समितिले प्रकाशित गरेको मूल्यसूची अनुसार आज लोकल बन्दा सबैभन्दा सस्तो प्रतिकेजी २१ रुपैयाँ ६० पैसामा पाइने छ ।
लोकल बन्दापछि आज सानो लोकल गोलभेडाको भाउ सस्तो रहेको छ । यो गोलभेडाको मूल्य आज प्रतिकेजी २२ रुपैयाँ ५० पैसा तोकिएको छ । यता, कालीमाटीमा सबैभन्दा बढी मूल्यमा आभोकाडो र किवि पाइने भएको छ । यी दुबै फल प्रतिकेजी ५७५ रुपैयाँ थोक मूल्यमा उपलब्ध हुनेछ ।
