काठमाडौं । नेपाल लेयर्स कुखुरा पालक संघले अण्डाको बिक्री मूल्य तोकेको छ । मूल्य भोलि चैत २२ गतेबाट लागु हुनेछ । नयाँ मूल्य अनुसार मध्यम (मिडियम) अण्डा प्रति क्रेटको मूल्य ३७५ छ ।
त्यस्तै, ठूलो अण्डा प्रति क्रेटको मूल्य ३९० रूपैयाँ र एक्सएल अण्डा प्रति क्रेट ४५० रूपैयाँ कायम गरिएको छ । संघले नयाँ मूल्य जारी गर्दै त्यसैअनुरूप कारोबार गर्न व्यवसायीहरूलाई आग्रह पनि गरेको छ ।
इटहरी, धनगढी र काठमाडौंमा यही चैत १९ देखि २१ सम्म भएको संघको व्यवसायी भेलाले अण्डाको समर्थन बिक्री मूल्य तय गरेको हो । भौतिक र भर्चुअल रूपमा भएको बैठकमा अण्डाको उत्पादन र बजार अवस्थाका बारेमा गम्भीर रूपमा छलफल भएको संघले जनाएको छ ।
